முரண்

ஐந்து நட்சத்திர ஹோட்டல்.

ஐநூறு ரூபாய் உணவுக்கு 

ஐந்தாயிரம் விலை.

புன்னகைத்த பணியாளனக்கு

நூறு ரூபாய் கொடுத்து

காரைக் கிளப்பினேன்.

சிகப்பில் இருந்த சிக்னலில் 

கார் கண்ணாடி துடைத்து

சில்லறை கேட்டான் அழுக்குச் சிறுவன்.

பத்து ரூபாய்களை ஒதுக்கித் தள்ளி

இல்லாத சில்லறையை தேடுகையில் 

பச்சைக்கு மாறியது சிக்னல்.

சட்டென்று கியர் மாற்றி

சிறுவனை கடந்தேன்.

இரவு முழுவதும்

செரிக்காத ஹோட்டல் உணவும்

மறக்காத சிறுவன் முகமும் 

பாடுபடுத்தின....