சொல்லப்படாத சொற்களில்
நிரம்பி வழிகிறது
ஒளிந்திருக்கும் உண்மைகள்...

உடைந்த கண்ணாடியின்
சிதறிய சில்லுகளாய்
அறையெங்கும் தெறித்துக்கிடக்கிறது 
மனதின் ரணங்கள்

உடலின் குரலும்
உள்ளத்தின் தவிப்பும்
மீண்டும் மீண்டும் ஓடச்செய்கிறது
காதல் தேடி

காதலின் கசப்புகள்
அடி நாக்கில்.
எச்சிலும் காதலும் 
ஒன்றாய் வெளியே துப்பி
வெறுமை விலங்கோடு நகர்கிறேன்.

சிதறிய சில்லுகளை
பெருக்கித் துடைக்க
சுத்தமாகிறது மனதின் அறைகள்.

கண் மூடி அமர்கிறேன்.

மிண்டும் கேட்கிறது எங்கோ
கண்ணாடி உடைகின்ற ஓசையும்
சில்லுகள் சிதறும் சப்தமும்.

20-7-12

புத்தி வலதும்
மனது இடதுமாய்
வாழ்க்கை தடத்தில்.
தொடர்கின்றன
இலக்கில்லா பயணங்கள்.

22-7-2012

சொல்ல மறைத்த காதல்களும்
சொல்லி மரித்த காதல்களும்
உறங்காத பிணங்களாய் காத்திருக்கும்
சவப்பெட்டி மனதிற்குள்.
உயிர்த்தெழும் நாளொன்றுக்காய்.